წმინდა მიქაელ მთავარანგელოზის სახელობის საავადმყოფოს კლინიკური მენეჯერის, ზაზა ლურსმანაშვილის განცხადებით, სპეცოპერაციისას დაჭრილი თემირლან მაჩალიკაშვილის ჯანმრთელობის მდგომარეობა კვლავ უკიდურესად მძიმეა.
მისივე თქმით, ჯანდაცვის სამინისტრო რამდენიმე კლინიკას უკვე დაუკავშირდა და მიმდინარეობს ინფორმაციის გაცვლა.
"ჯანმრთელობის მდგომარეობა კვლავ უკიდურესად მძიმეა. გასული დღე-ღამის განმავლობაში მკვეთრი გაუარესება არ ყოფილა, გარკვეული სტაბილიზაცია მიღწეულია ამ მიმართულებით. რაც შეეხება სხვა კლინიკებში გადაყვანას, აქტიურად არის ამ საქმეში ჯანდაცვის სამინისტრო ჩართული. ისინი დაუკავშირდნენ უკვე რამდენიმე კლინიკას, მიმდინარეობს ინფორმაციის მიმოცვლა. როგორც კი ჩვენთვის რაიმე დეტალები იქნება ცნობილი, შემდგომში ამის შესახებ დამატებით გაცნობებთ. ჯერჯერობით არ ვიცი რომელი კლინიკა მიიღებს პაციენტის გადაყვანის გადაწყვეტილებას", - განაცხადა ლურსმანაშვილმა.
შეგახსენებთ, 19 წლის თემირლან მაჩალიკაშვილი, 26 დეკემბერს პანკისში, სპეცოპერაციის დროს დაჭრეს.
