პანკისის ხეობაში სპეცოპერაციისას დაჭრილი თემირლან მაჩალიკაშვილის ჯანმრთელობის მდგომარეობა კვლავ მძიმეა.
წმინდა მიქაელ მთავარანგელოზის სახელობის საავადმყოფოს კლინიკური მენეჯერის, ზაზა ლურსმანაშვილის განცხადებით, პაციენტს უარყოფითი დინამიკა აღენიშნება.
მაჩალიკაშვილის მამის განცხადებით, მის მკურნალობაში ჩაერთვება ამერიკიდან ჩამოსული ექიმი, რომელიც უკვე საქართველოშია.
შეგახსენებთ, 19 წლის თემირლან მაჩალიკაშვილის 26 დეკემბერს პანკისში სპეცოპერაციის დროს დაჭრეს.
