მწერალი დათო ტურაშვილი, რომელიც კულტურის სამინისტროში გამართულ შეხვედრაზე შეუძლოდ გახდა, სასწრაფო დახმარების ჯგუფმა კლინიკა „ნიუ ჰოსპიტალში“ გადაიყვანა.
ექიმების განცხადებით, ტურაშვილს ემოციური ფონი და გულის არეში ტკივილები აღენიშნებოდა.
მას სტენოკარდიული შეტევა ჰქონდა, ამჟამად კი მისი მდგომარეობა სტაბილურია.
ცნობისთვის, კულტურის სამინისტროში მიხეილ გიორგაძესა და მწერლებს, გამომცემლებსა და მთარგმნელებს შორის ფრანკფურტის წიგნის ბაზრობის საკითხზე შეხვედრა იმართებოდა. სამინისტროში ასევე იმყოფებოდა შინაგან საქმეთა მინისტრი გიორგი გახარია.
