,,ევროპული საქართველოს” წევრი სერგი კაპანაძე ჩატაევის საქმესთან დაკავშირებით ხელისუფლების პასუხისმგებლობის საკითხზე საუბრობს.
,,ჩემთვის მთავარი კითხვა არის, ვის ეკისრება პასუხისმგებლობა იმის გამო, რომ ჩატაევი ჯერ გაუშვეს ციხიდან, მერე საქართველოდან და შემდეგ ის შემოვიდა საქართველოში. რაც მთავარია, ის დიდი ხნის განმავლობაში აქ იმყოფებოდა, მოახერხა შეიარაღების შემოტანა და ა.შ. ამ კითხვებს აუცილებლად სჭირდება პასუხის გაცემა და კონკრეტული ადამიანების პასუხისმგებლობის დაყენება,“ – აცხადებს სერგი კაპანაძე.
სუს-ის კონტრტერორისტული დეპარტამენტის მიერ, თბილისსა და ახმეტის რაიონის სოფლებში, დუისსა და ომალოში დაკავებულ იქნა საქართველოს 5 მოქალაქე: ზურაბ გორნაკაშვილი, რუსლან ალდამოვი, რამაზ მარგოშვილი, ბადურ ჩოფანაშვილი და თემირლან მაჩალიკაშვილი.
დაკავებული პირები დაკავშირებულები არიან 21-22 ნოემბერს ბერი გაბრიელ სალოსის ქუჩაზე ჩატარებული სპეცოპერაციის შედეგად განეიტრალებული დაჯგუფების წევრებთან და წარმოადგენდნენ მათ ხელშემწყობ პირებს.
