არჩევნების ბოიკოტირების შესახებ ალექსეი ნავალნის განცხადებას კრემლში გამოეხმაურნენ. განცხადება ვალდიმერ პუტინის პრეს-მდივანმა გააკეთა. დიმიტრი პესკოვის თქმით, გამოკვლევას საჭიროებს, არის თუ არა არჩევნების ბოიკოტირების შესახებ ნავალნის მოწოდება კანონიერი. ჟურნალისტებთან საუბრისას პესკოვმა აღნიშნაა, რომ ნავალნისთვის საპრეზიდენტო კანდიდატად დარეგისტრირებაზე უარის თქმა არჩევნებისადმი ინტერესის შემცირებას არ გამოიწვევს. ნავალნის მიერ არჩევნებისთვის ბოიკოტის გამოცხადება რუსეთის ცენტრალური საარჩევნო კომისიის გადაწყვეტილებას მოჰყვა. კომისიამ ოპოზიციონერის კანდიდატურა საპრეზიდენტო არჩევნებისთვის არ დაარეგისტრირა. მიზეზად კი მისი ნასამართლეობა დაასახელა. ალექსეი ნავალნი ამ გადაწყვეტილებას პოლიტიკურად მოტივირებულს უწოდებს.
