ჩვენ ნადვილად გვაქვს ქართველ ხალხთან მეგობრული გრძნობები და შემთხვევითი არ არის, რომ სომხეთის მოსახლეობის უმეტესობა უპირატესობას ანიჭებს დასვენების და შვებულების საქართველოში გატარებას, აქ რომ არ ყოფილიყო კარგი მოპყრობა სომეხთა მიმართ, ისინი საქართველოში არ ჩამოვიდოდნენ, - ამის შესახებ საქართველოში ვიზიტით მყოფმა სომხეთის პრეზიდენტმა, სერჟ სარგსიანმა საქართველოს პრეზიდენტთან გამართულ ერთობლივ პრესკონფერენციაზე განაცხადა.
მისი თქმით, ორმხრივ ურთიერთობებში მრავალი პერსპექტიული პროგრამაა.
“მოხარული ვარ კვლავ ვიმყოფებოდე მეგობარი ქვეყნის, საქართველოს მიწაზე, ერთხელ კიდევ ვუხდი მადლობას პრეზიდენტ გიორგი მარგველაშვილს მოწვევისა და თბილი მიღებისთვის. წლევანდელი წელი მნიშვნელოვანია სომხეთსა და საქართველოს შორის დიპლომატიური ურთიერთობის დამყარების 25-ე წლისთავის გამო და წლის ბოლოს ჩემი ვიზიტი საბაბია ჩვენი ერთობლივი სამუშაოს შესაფასებლად. სიხარულით ვაფიქსირებ, რომ ჩვენს ორმხრივ ურთიერთობებში მრავალი პერსპექტიული პროგრამაა. გასულ მეოთხედ საუკუნეში სომხურ-ქართული კეთილმეზობლური ურთიერთობების განვითარება ჩვენი ისტორიიდან მომდინარე მიღებული შედეგია. ჩვენ ნადვილად გვაქვს ქართველ ხალხთან მეგობრული გრძნობები და შემთხვევითი არ არის, რომ სომხეთის მოსახლეობის უმეტესობა უპირატესობას ანიჭებს დასვენების და შვებულების საქართველოში გატარებას. აქ რომ არ ყოფილიყო კარგი მოპყრობა სომეხთა მიმართ, ისინი საქართველოში არ ჩამოვიდოდნენ“, - განაცხადა სარგსიანმა.
