გვატემალა თავის საელჩოს თელ-ავივიდან იერუსალიმში გადაიტანს. ამის შესახებ ქვეყნის პრეზიდენტმა ჯიმი მორალესმა სოციალურ ქსელ ფეისბუკში დაწერა.
„მე ვესაუბრე ისრაელის პრემიერ-მინისტრს და უკვე დავავალე საგარეო საქმეთა მინისტრს, ყველა საჭირო ზომა მიიღოს საელჩოს იერუსალიმში გადასატანად“, - წერს მორალესი.
გვატემალა ერთ-ერთი იყო იმ 8 ქვეყანას შორის, რომლებმაც გაეროს გენერალურ ასამბლეაზე იერუსალიმის სტატუსის შესახებ რეზოლუციას მხარი არ დაუჭირეს.
