კიევის ცენტრში მიხეილ სააკაშვილის მოწინააღმდეგეები შეიკრიბნენ. მათ ყოველკვირეული საპროტესტო აქციების საწინააღმდეგო შეკრებას „ყავა კრეშატიკზე“ უწოდეს. აქციის მონაწილეებმა შეკრებაზე ჩაი და ორცხობილები მიიტანეს.
დამოუკიდებლობის მონუმენტთან ახლოს რამდენიმე ასეული ადამიანი შეიკრიბა და იქვე მდებარე სავაჭრო ცენტრიდან გადმოკიდეს პლაკატი, წარწერით: „მიშა საქართველოში, პეტია - გაგაუზიაში“.
აქციას „ფეისბუქის“ პირად გამოეხმაურა უკრაინული ოპოზიციის ლიდერი. მიხეილ სააკაშვილი წერს, რომ ეს არის უკრაინის პრეზიდენტის მიერ მოწყობილი ანტიმაიდანი.
მან საკუთარ მომხრეებს მოუწოდა, პროვოკაციებს არ აჰყვნენ.
„როდესაც ევროპაში ყველაზე დიდი ქვეყნის პრეზიდენტი თავის მხარდასაჭერად უფრო მეტი ადამიანის შეკრებას ვერ ახერხებს მთავარ მოედანზე, დროა სერიოზულად დაფიქრდეს თავის უახლოეს პერსპექტივებზე“, - წერს სააკაშვილი.
