იერუსალიმის სტატუსის შესახებ გაეროს გენერალური ასამბლეის მიერ მიღებულ რეზოლუციას ჩეჩნეთის პრეზიდენტიც გამოეხმაურა.
„გაერომ დონალდ ტრამპის გადაწყვეტილება ისრაელის დედაქალაქად იერუსალიმის აღიარების შესახებ უკანონოდ ცნო. რეზოლუციას მხარი 128 ქვეყანამ დაუჭირა. ეს იმას ნიშნავს, რომ პრაქტიკულად მთელი მსოფლიო გმობს აშშ-სა და ისრაელის მცდელობას, იერუსალიმის სტატუსი შეცვალოს. რაც შეეხება იმ 9 ქვეყანას, რომლებმაც ხმა რეზოლუციის წინააღმდეგ მისცეს, ვფიქრობ, მათ სხვა გამოსავალი არ ჰქონდათ, რადგანაც ტრამპი ყველას დაფინანსების შეწყვეტით ემუქრებოდა “-განაცხადა კადიროვმა.
