იერუსალიმში საელჩოების გადატანის საკითხს რამდენიმე ქვეყანა განიხილავს. ამის შესახებ ისრაელის პრემიერ-მინისტრმა ბენიამინ ნეთანიაჰუმ განაცხადა.
„ჩვენ ვსაუბრობთ რამდენიმე ქვეყანასთან, რომლებიც სერიოზულად ფიქრობენ იმის შესახებ, რომ აშშ-ს კვალდაკვალ თავიანთი ქვეყნების საელჩოები იერუსალიმში გადაიტანონ“, - აღნიშნა ნეთანიაჰუმ.
იერუსალიმი ისრაელის დედაქალაქად დონალდ ტრამპმა 6 დეკემბერს აღიარა და სახელმწიფო დეპარტამენტს იერუსალიმში საელჩოს გადატანის პროცესის დაწყების განკარგულება მისცა.
