კიევის სააპელაციო სასამართლომ მიხეილ სააკაშვილის საქმის განხილვა 3 იანვრისთვის გადადო. სააპელაციო სასამართლომ უკრაინის პროკურატურის შუამდგომლობა უნდა განიხილოს, რომლითაც ბრალდების მხარემ გაასაჩივრა პეჩორის რაიონული სასამართლოს გადაწყვეტილება, რომლის მიხედვითაც არ დაკმაყოფილდა პროკურატურის მოთხოვნა, სააკაშვილისთვის შინაპატიმრობის შეფარდების შესახებ.
საქმის გადადების შესახებ მოსამართლეების მიერ მიღებული გადაწყვეტილების შემდეგ, "ახალ ძალთა მოძრაობის" ლიდერმა განაცხადა, რომ მოსამართლეებმა 3 იანვარს განგებ ჩანიშნეს სასამართლო პროცესი, რა დროსაც ხალხი ახალ წელს აღნიშნავს და სადღესასწაულო დღეებია.
"3 იანვარს შესაძლებელია იმ გადაწყვეტილების გამოტანა, რომელიც აწყობს მთავრობას," - აცხადებს სააკაშვილი.
