თურქული ავიაკომპანია Atlasglobal-ი ოდესაში სასტუმროს მშენებლობას გეგმავს. აღნიშნულის შესახებ განცხადება ავიაკომპანიის მფლობელმა, თურქმა ბიზნესმენმა მურატ ერსოიმ გააკეთა.
„უკრაინაში ქსელის გაფართოებასთან ერთად ჩვენ მზად ვართ ოდესაში სასტუმრო ავაშენოთ. თუმცა ჩვენ ამისათვის სამთავრობო გარანტიები გვჭირდება“, განაცხადა ბიზნესმენმა.
წლის ბოლომდე თურქი ბიზნესმენი უკრაინის პრემიერ-მინისტრთან ვოლიდიმირ გროისმანთან შეხვედრასაც გეგმავს, რათა მას საკუთარი ბიზნესგეგმები დეტალურად გააცნოს.
Atlasglobal-ი უკრაინის მთავრობას ოდესის მხარის განვითარების გეგმას შესთავაზებს, ისევე როგორც თავის დროზე განვითარდა ანტალია. თურქეთის მთავრობა ინვესტორს 49 წლის განმავლობაში მიწას უფასოდ გადასცემდა, რათა მას იქ ინვესტიციები განეხორციელებინა.
ასევე Atlasglobal-ი გროისმანთან შეხვედრისას სტამბოლიდან კიევისა და ოდესის მიმართულებით რეისების განხორციელების ნებართვას სთხოვს.
