კუბის მოქმედი ლიდერი თანამდებობიდან 2018 წლის აპრილში გადადგება. რაულ კასტროს თქმით, ხელისუფლებაში ყოფნა ორი საარჩევნო ვადით უნდა განისაზღვრებოდეს. „როდესაც სახალხო ხელისუფლების ეროვნული ასამბლეა შედგება, მაშინ დასრულდება ჩემი მმართველობის მეორე ვადა და ჩემთვის ხელისუფლების სათავეში ყოფნის ბოლო მანდატი. ამის შემდეგ კუბას ახალი პრეზიდენტი ეყოლება“, – აღნიშნა 86 წლის კასტრომ, რომელიც კუბას 2008 წლიდან მართავს.
