ავსტრალიის პოლიციის ინფორმაციით, ავტომანქანის მძღოლი, რომელიც ფეხით მოსიარულეებში მანქანით შეიჭრა, 32 წლის ავღანელია. ის წარსულში ნარკოდამოკიდებული იყო და ფსიქიკური პრობლემები ჰქონდა. პოლიციამ მომხდართან კავშირში ეჭვმიტანილი კიდევ ერთი პირი დააკავა, რომელიც ინციდენტს მობილური ტელეფონით იღებდა.
„მანქანის მძღოლი ავსტრალიის მოქალაქეა, 32 წლის, წარმოშობით ავღანელი. როგორც ჩვენთვის არის ცნობილი, ის ნარკოდამოკიდებული იყო და ფსიქიკური პრობლემებიც ჰქონდა. რაც შეეხება მეორე დაკავებულს, ის მანქანაში არ ყოფილა. პოლიციამ ის მაშინ აიყვანა, როდესაც თავდასხმას მობილური ტელეფონით იღებდა. ჩანთაში მას სამი დანა აღმოუჩინეს. ახლა იმის გარკვევას ვცდილობთ, არის თუ არა ის მომხდართან კავშირში,“-ნათქვამია პოლიციის განცხადებაში.
