ევროკომისია პოლონეთის წინააღმდეგ სანქციების პროცედურის ამოქმედებას იწყებს. ამის შესახებ ევროკომისიის ვიცე-პრეზიდენტმა ფრანს ტიმერმანმა ბრიუსელში გამართულ პრესკონფერენციაზე განაცხადა. რადიკალური გადაწყვეტილების მიზეზი სკანდალური სასამართლო რეფორმა გახდა, რომლის მიღებასაც ევროკავშირი ეწინააღმდეგებოდა. როგორც ევროკომისიის ვიცე-პრეზიდენტი აცხადებს, ბოლო 2 წლის განმავლობაში პოლონეთს 3 რეკომენდაცია მიეცა, თუმცა ვარშავამ არცერთი რეკომენდაცია არ გაითვალისწინა. ამის გამო ევროკომისია იძულებული გახდა სანქციების პროცედურა აემოქმედებინა.
