უკრაინის უმაღლესი ადმინისტრაციული სასამართლო მიხეილ სააკაშვილის სარჩელს 21 დეკემბერს აღარ განიხილავს. ამის შესახებ „ახალი ძალების მოძრაობის“ ლიდერის ადვოკატმა რუსლან ჩერნოლუცკიმ განაცხადა.
„სხდომა აღარ გაიმართება სასამართლოს ლიკვიდაციის გამო. როდის განიხილავენ სარჩელს, ჩვენთვის უცნობია. ჩვენ სარჩელი შევიტანეთ და პასუხს ველით,“-აღნიშნა სააკაშვილის ადვოკატმა.
მოქალაქეობის ჩამორთმევასთან დაკავშირებული სარჩელი ადმინისტრაციულ სასამართლოს 22 ნოემბერს უნდა განეხილა, თუმცა მოსამართლის სხვა სასამართლო ინსტანციაში გადაყვანის გამო სხდომა გადაიდო. 15 დეკემბრიდან კი სასამართლო რეფორმის ფარგლებში უმაღლესმა ადმინისტრაციულმა სასამართლომ პროცესუალური საქმიანობა შეწყვიტა და მისი ლიკვიდაციის პროცესი დაიწყო.
