იუსტიციის მინისტრმა თეა წულუკიანმა პარლამენტში საპროცედურო საკითხთა და წესების, იურიდიულ საკითხთა, თავდაცვისა და უშიშროების, ადამიანის უფლებათა დაცვისა და სამოქალაქო ინტეგრაციის კომიტეტების გაერთიანებული სხდომაზე გამოსვლისას ისაუბრა მიწის რეგისტრაციის რეფორმაზე, რომელსაც საჯარო რეესტრის ეროვნული სააგენტო ახორციელებს.
„მოქალაქეებს შეუძლიათ, რეფორმის ფარგლებში ისარგებლონ ამ ნოვაციით, რაც გულისხმობს იმას, რომ მათი მიმართვის საფუძველზე საჯარო რეესტრი პრაქტიულად მოიძიებს საჭირო დოკუმენტებს. დღეისათვის მოქალაქეების მომართვის საფუძველზე უკვე 340 000 ნაკვეთი არის წარმატებით რეგისტრირებული, რაც ერთი-ორად მეტია, ვიდრე იმავე პერიოდში ჩვენ შევძლებდით, დაგვერეგისტრირებინა, რამდენადაც ადრე ეს პროცედურა იყო ფასიანი, იყო ბევრი ბარიერი, მოქალაქეს თვითონ უნდა მოეძებნა დოკუმენტები. რეფორმა გრძელდება მომავალი წლის პირველ ივლისამდე, თუმცა, ჩვენ თქვენთან ერთად უნდა ვიფიქროთ, ამ რეფორმის კანონის ზოგიერთი დებულება ხომ არ შემოვიტანოთ სამუდამოდ, იმისათვის, რომ საჯარო რეესტრს მომავალშიც ქონდეს პროაქტიულობის საშუალება", - განაცხადა მინისტრმა თეა წულუკიანმა.
მიწის რეგისტრაციის რეფორმა 2016 წლის 1 აგვისტოს დაიწყო.
