გერმანიის კანცლერმა უსაფრთხოების კუთხით დაშვებული შცდომები აღიარა. საგანგებო განცხადება ანგელა მერკელმა ბერლინის ტერაქტის წლისთავზე დაღუპულთა ხსოვნის მემორიალთან გააკეთა. „დროა გამოსწორდეს დაშვებული შეცდომები არამხოლოდ უსაფრთხოების გარანტიისთვის, არამედ იმის გამოც, რომ დაღუპულთა ოჯახის წევრებმა ცხოვრების ნორმალურ რიტმში დაბრუნება შეძლონ,“-აღნიშნა მერკელმა. ბერლინის საშობაო ბაზრობაზე თავდასხმა 2016 წლის 19 დეკემბერს განხორციელდა. ტუნისელი ტერორისტი ანის ამრი სატვირთო მანქანით ხალხის მასაში შეიჭრა, რასაც 12 ადამიანი ემსხვერპლა.
