კურორტი „გომარდული“ წლის ბოლომდე გაიხსნება და შესაბამისად აჭარაში ზამთრის კურორტების რაოდენობა ორამდე გაიზრდება.
აჭარაში ჩასულ ტურისტს კურორტ „გოდერძისთან“ ერთად კურორტი „გომარდულიც“ დაელოდება, სადაც ამ დროისათვის რამდენიმე კოტეჯი უკვე არსებობს. „გომარდულის“ განვითარება 5 წლის განმავლობაში შეჩერებული იყო და მისი განვითარება აღარ მომხდარა.
თუმცა როგორც აჭარის ფინანსთა და ეკონომიკის მინისტრი რამაზ ბოლქვაძე აცხადებს, სს „გომარდულმა“ და შემოსავლების სამსახურმა შეთანხმებას მიაღწიეს და გადაწყდა, რომ კურორტი ფუნქციონირებას წლის ბოლომდე დაიწყებს. შეთანხმების შედეგად „გომარდულს“ აღებული ვალდებულებების ბოლომდე შესრულება მოუწევს და ასევე იმაზე ფიქრიც თუ როგორ განავითაროს კურორტი.
სს „გომარდულის“ 10%-იანი წლის მფლობელი აჭარის ფინანსთა და ეკონომიკის სამინისტროა, ხოლო 90 %-ს კერძო ინვესტორები ფლობენ. კურორტ „გომარდულის“ მოწყობისთვის გასულ წლებში 1,3 მლნ ლარია დახარჯული. იმისათვის, რომ კურორტს ფუნქციონირება დაეწყო, სახელმწიფომ ვალდებულება შეასრულა და კურორტამდე მისასვლელი 8 კმ-იანი გზა გაიყვანა.
2011 წლის მონაცემებით კურორტზე 5 მაღალი კლასის კოტეჯია განთავსებული.
