დონალდ ტრამპის მიერ გამოქვეყნებულ აშშ უსაფრთხოების ახალ სტრატეგიას ოფიციალური მოსკოვი ეხმაურება. საგანგებო განცხადება კრემლის პრეს-მდივანმა გააკეთა.
„სტრატეგიის ის ნაწილი, რომელშიც რუსეთია მოხსენიებული, ნათლად მიუთითებს დოკუმენტის იმპერიულ ხასიათზე. ეს დოკუმენტი კიდევ ერთი დადასტურებაა იმისა, რომ ერთპოლარულობის პრინციპზე აშშ უარს არასდროს იტყვის. რა თქმა უნდა, ასეთ დამოკიდებულებას ჩვენი ქვეყნის მიმართ არ ვეთანხმებით, თუმცა დოკუმენტში პოზიტიურ თემებზეცაა საუბარი. მაგალითად, გამოთქმულია იმ სფეროებში თანამშრომლობის სურვუილი, რომელიც მომგებიანია როგორც აშშ-ს, ისე რუსეთისთვის,“-აღნიშნა დიმიტრი პესკოვმა.
ამერიკის უსაფრთხოების ახალ სტრატეგიაში რუსეთი ერთ-ერთ მთავარ საფრთხედ არის მოხსენიებული.
