სემეკმა თითქმის ყველა ჰიდროელექტრო სადგურისა და თბოელექტრო სადგურის გენერაციის ტარიფი დაადგინა. ჰესებს წარმოების ფასი გაეზარდათ, ხოლო თბოსადგურებიდან ორს შეუმცირდა და ორს მოემატა.
სემეკის დღევანდელი სხდომის გადაწყვეტილებით, ენგურჰესის” ტარიფი 1 კვტ/სთ ელექტროენერგიაზე 1.496 თეთრიდან 1.818 თეთრამდე გაიზარდა, “ვარდნილჰესების კასკადისთვის” კი 2.880 თეთრიდან 4.002 თეთრამდე.
სემეკის გადაწყვეტილებით, „გარდაბნის თბოსადგურის“ წარმოების ზღვრული ტარიფი 1 კვტ/სთ ელექტროენერგიაზე 8.056 თეთრიდან 8.012 თეთრამდე შემცირდა, „ჯიფაუერის“ – 10.537 თეთრიდან 9.431-მდე, „მტკვარი ენერჯის“ – 11.358 თეთრიდან 11,512 მდე გაიზარდა , „საქართველოს საერთაშორისო ენერგეტიკული კორპორაციის“ ტარიფი 10.963 თეთრიდან 11.511-მდე გაიზარდა.
სემეკის მიერ დღეს დადგენილი ტარიფი 2018 წლის განმავლობაში იმოქმედებს.გენერაციის ტარიფი ერთ-ერთი მნიშვნელოვანი კომპონენტია, რომელიც სამომხმარებლო ტარიფს განსაზღვრავს.
რაც შეეხება სამომხმარებლო ტარიფებს, გადაწყვეტილებას ამის შესახებ წლის ბოლო სხდომაზე, 25 დეკემბერს მიიღებენ.
