საქართველოს პრეზიდენტის მიხეილ სააკაშვილის განცხადებით, მას სახელმწიფო უწყებებში არ სჭირდება ისეთი ადამიანები ვინც ყველაფერზე კვერს დაუკრავენ მას ან რომელიმე მინისტრს. სააკაშვილის თქმით, მას ურჩევნია, რომ რცევა მისცენ. ამის შესახებ პრეზიდენტმ კახეთში გამართულ მთავრობის სხდომაზე ისაუბრა.
"მე არ მჭირდება ასეთი თანამდებობის პირები. მე არც ისეთი ხალხი მჭირდება, როცა ყველაფერზე კვერს დამიკრავენ, რასაც ვიტყვი, რასაც ნიკა ან რომელიმე მინისტრი იტყვს. მირჩევნია შენიშვა მომცენ, მაგრამ როცა თანამდებობის პირი მოდის და რაღაცას მიხსნის, რატომ არ კთდება რამე, ასეთ ადამინს პირდაპირ უნდა დავემშვიდობოთ", - აღნიშნა პრეზიდენტმა.
მისივე თქმით, საქართველოს მთავრობა ხორცკომბინატი არ არის, რომ თანამდებობის პირები შეინახოს. პრეზიდენტის განმარტებით, სახელმწიფო უწყებებში ნიჭიერი, ცოცხალი და ენთუზიაზმით სავსე ადამიანები უნდა მუშაობდნენ.
"ჩვენ არ ვართ ხორცკომბინატი, რომ მინისტრები ან თანამდებობის პირები შევინახოთ. ხორცპროდუქტების ნაცვლად ჩვენ გვჭირდება ცოცხალი, მოძრავი, სიცოცხლით აღსავსე ადამინები. იდეებით და ენთუზიაზმით სავსე და ასეთი ხალხი ჩვენ სახელმწიფო აპარატში გვყავს", - აღნიშნა სააკაშვილმა.
მანვე აღნიშნა, რომ სახელმწიფო უწყების თანამშრომლებმა არ უნდა წარმოიდგინონ, რომ გორაზე დგანან, სადაც ადამიანები მივლენ და თაყვანს სცემენ.
"კი არ უნდა წმოვიდგინოთ, რომ სახლემწიფო უწყება ვართ და გორის თავზე შევმოვდგეთ და მოვიდნენ და თაყვანი გვცენ. ეს დრო წავიდა. ამის ახსნა თუ ვინმეს სჭირდება, რომ ვიღაცა კარგად მოეპყროს იმას არაფერი არ ესაქმება 21-ე საუკუნის, ვარდების რევოლუციის რამდენიმე წლის თავზე საქართველოს მთავრობის სემადგენლობაში", - განაცხადა სააკაშვილმა.