პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის, აკაკი ზოიძის განცხადებით, უფასოდ გასაცემი მედიკამენტები შემდგომში ქრონიკული დაავადებების სამკურნალოდაც იქნება განსაზღვრული.
როგორც მან უფასო მედიკამენტების ნუსხის შესაძლო გაზრდის შესახებ საუბრისას განმარტა, უნდა გაფართოვდეს უფასო მედიკამენტების როგორც კონტინგენტი, ასევე ასორტიმენტი.
„ეს საკითხი უნდა შევაჯამოთ და მომდევნო 3 წლის განმავლობაში განვახორციელოთ,
უფასო, ამბულატორიული მედიკამენტების ჩამონათვალში 30-მდე მედიკამენტია, რომელიც 4 ყველაზე გავრცელებული ქრონიკული დაავადებების სამკურნალოდ გამოიყენება და სოციალურად დაუცველი მოქალაქეებისთვის დიდი შეღავათია. კონტინგენტი უნდა გაიზარდოს და ყველა ქრონიკულ ავადმყოფზე უნდა გავრცელდეს, განსაკუთრებით საპენსიო ასაკის ადამიანებზე, მაგრამ ამავდროულად წამლების ასორტიმენტიც უნდა გაიზარდოს”, - განაცხადა აკაკი ზოიძემ.
