საქართველოში თვითმმართველობის არჩევნები მიმდინარეობს.
ცენტრალური საარჩევნო კომისიის ინფორმაციით, ადგილობრივი თვითმმართველობის არჩევნებს ადგილობრივი ორგანიზაციების 20 000-ზე მეტი და საერთაშორისო ორგანიზაციების 581 წარმომადგენელი დააკვირდება.
გარდა ამისა, როგორც საარჩევნო ადმინისტრაციაში აცხადებენ, არჩევნებს დააკვირდება საარჩევნო სუბიექტების 54 000-ზე მეტი (54 389) წარმომადგენელი.
ცესკოს ინფორმაციით, საარჩევნო პროცესს 4 000-ზე მეტი ჟურნალისტი გააშუქებს.
