საქართველოში თვითმმართველობის არჩევნები დაიწყო.
საარჩევნო უბანზე ამომრჩეველი სამ ბიულეტენს - ღია ცისფერს, ვარდისფერსა და ღია მწვანე ფერის ბიულეტენებს მიიღებს.
ცენტრალური საარჩევნო კომისიის ინფორმაციით, ღია ცისფერი ბიულეტენი განკუთვნილია პროპორციული არჩევნებისთვის, რითაც ამომრჩეველი საარჩევნო პარტიას ან საარჩევნო ბლოკს აირჩევს.
ვარდისფერი ბიულეტენი განკუთვნილია საკრებულოს მაჟორიტარი დეპუტატის ასარჩევად.
ღია მწვანე ფერის ბიულეტენი კი განკუთვნილია თვითმმართველი ქალაქის მერის ან თვითმმართველი თემის მერის ასარჩევად.
ცნობისთვის, მთელი ქვეყნის მასშტაბით, 3 634 საარჩევნო და 10 გამონაკლის შემთხვევაში შექმნილი უბანია გახსნილი.
