ბარსელონა მადრიდს რეგიონის სტატუსის შესახებ გადაწყვეტილებას 19 ოქტომბერს შეატყობინებს. ეს ინფორმაცია ადგილობრივმა ტელეარხმა რეგიონის მთავრობის წყაროზე დაყრდნობით გაავრცელა. ესპანეთის ხელისულფების მიერ ბარსელონისთვის წაყენებული ულტიმატუმის ვადა გუშინ ამოიწურა. კატალონიის ლიდერი კარლოს პუჩდემონი საბოლოო გადაწყვეტილების მიღებამდე მადრიდთან მოლაპარაკებას ითხოვს. იმ შემთხვევაში, თუ კატალონია დამოუკიდებლობის გამოცხადებას ოფიციალურად აღიარებს, მადრიდი კონსტიტუციის 155 -ე მუხლს აამოქმედებს და რეგიონს ავტონომიის სტატუს ჩამოართმევს. პირველ ოქტომბერს ჩატარებული რეფერენდუმის შემდეგ კატალონიის ლიდერმა დამოუკიდებლობის დეკლარაციას მოაწერა ხელი და მსოფლიო ქვეყნებს მისი აღიარება სთხოვა, თუმცა დოკუმენტი ძალაში ჯერ არ შესულა.
