ირანისა და თურქეთის პრეზიდენტები ჩრდილოეთ ერაყში ქურთების სახელმწიფოს შექმნის წინააღმდეგ გამოდიან. ლიდერებმა ერთობლივი განცხადება ირანში გამართულ პრესკონფერენციაზე გააკეთეს. ერდოღანისა და როუჰანის თქმით, ერაყში ქურთების ავტონომიური რეგიონის დამოუკიდებლობის საკითხზე გამართული რეფერენდუმის შემდეგ რეგიონში საზღვრები არ შეიცვლება. თურქეთის პრეზიდენტმა ქურთების რეფერენდუმს უკანონო უწოდა.
