თურქეთი მზადაა ერაყის ქურთისტანს სანქციები გაუმკაცროს. ამის შესახებ ქვეყნის პრეზიდენტმა რეჯეფ თაიფ ერდოღანმა თეირანში განაცხადა, სადაც ოფიციალური ვიზიტით იმყოფება.
„ანკარამ და თეირანმა ნათლად დააფიქსირეს ტავიანთი პოზიცია. ჩვენ ერაყში ერთადერთ ლეგიტიმურ ძალად ოფიციალურ ბაღდადს ვთვლით. ერაყის ქურთისტანში ჩატარებული რეფერენდუმი კი უკანონოა. ერაყმა, თურქეთმა და ირანმა უკვე გადადგეს კონკრეტული ნაბიჯები ერაყის ქურთისტანზე ზეწოლის გასაძლიერებლად, მაგრამ იმ შემთხვევაში, თუ ვითარება არ შეიცვლება, სანქციები კიდევ უფრო გამკაცრდება,“-აღნიშნა ერდორანმა. დამოუკიდებლობის რეფერენდუმი ერაყის ქურთისტანში 25 სექტემბერს ჩატარდა. ამომრჩეველთა 92,7 პროცენტმა ხმა რეგიონის დამოუკიდებლობას მისცა.
