სან-ფრანცისკოში რუსეთის საკონსულოს ყოფილი შენობა გაჩხრიკეს. ამის შესახებ შეერთებულ შტატებში რუსეთის საელჩო იტყობინება და ტვიტერის გვერდზე ჩხრეკის ამსახველ ვიდეომასალასაც აქვეყნებს. რუსეთის გენერალური საკონსულოს შენობა სან-ფრანცისკოში, ასევე, ვაშინგტონსა და ნიუ-იორკში მდებარე სავაჭრო წარმომადგენლობები სექტემბრის დასაწყისში ამერიკულ მხარეს ვაშინგტონის მოთხოვნით გადაეცა. რუსეთის საკონსულოს თანამშრომლების ოჯახებს შენობის დატოვების ვადა 1 ოქტომბრამდე მიეცათ.
