ისლამური სახელმწიფოს მიერ დატყვევებული გრიგორი ცურკანი რუსეთის შეიარაღებულ ძალებში მსახურობდა. ამის შესახებ ტელეგრამ-არხი „დაირექტორატ 4“ იტყობინება. გავრცელებული ინფორმაციით, ცურკანი დონბასსა და ბალკანეთშიც იბრძოდა. სირიაში კი ის ე.წ. „სლავიანსკი კორპუსის“ სახელით იყო გაგზავნილი, რომელიც ჰონგ-კონგშია დარეგისტრირებული და ყოფილი რუსი სამხედროებით არის დაკომპლექტებული. რაც შეეხება მეორე ტყვეს, რომან ზაბოლოტნი ასევე დონბასის ბრძოლების მონაწილეა და კაზაკების დაჯგუფება „დონის ჯარებში“ ირიცხება. რუსეთის მოქალაქეების ტყვეობის ამსახველი ვიდეომასალა ისლამისტებმა გუშინ გაავრცელეს. მოსკოვი ირწმუნება, რომ ისინი რუსეთის შეიარაღებულ ძალებში არ მსახურობენ.
