კიევი კატალონიის რეფერენდუმის ლეგიტიმურობას არ აღიარებს. ამის შესახებ უკრაინის საგარეო საქმეთა სამინისტროს წარმომადგენელმა მარია ბეცმა განაცხადა. მისივე თქმით, კიევი მადრიდსა და კატალონიას შორის მშვიდობიანი დიალოგის მომხრეა და იმედოვნებს, რომ ესპანეთის ხელისუფლება შიდა პრობლემების მოგვარებას დემოკრატიული გზით შეძლებს. დამოუკიდებლობის რეფერენდუმი კატალონიაში 1 ოქტომბერს ჩატარდა. ესპანეთის ხელისუფლება პლებისციტის შედეგებს არ აღიარებს.
