უკრაინის პრეზიდენტსა და შინაგან საქმეთა მინისტრს შორის დაპირისპირებაა. ამის შესახებ უკრაინელმა დეპუტატმა ანტონ გერაშენკომ ტელეკომპანია ICTV-ის ეთერში განაცხადა. მისივე თქმით, დაპირისპირება პოროშენკოსა და ავაკოვს შორის პირველივე დღიდან არსებობს, მას შემდეგ, რაც პოროშენკო უკრაინის პრეზიდენტი გახდა. უთანხმოება მათ უსაფრთხოებისა და კრიმინალთან ბრძოლის საკითხებთან დაკავშირებით აქვთ. გერაშენკოს მტკიცებით, პოროშენკოს ძალოვან სტრუქტურებზე კონტროლის დამყარება სურს, რის საშუალებასაც ავაკოვი არ აძლევს.
