ლას-ვეგასში მასობრივ მკვლელობაში ეჭვმიტანილმა სავარაუდოდ თავი მოიკლა. CNN-ის ეთერში ქალაქის პოლიციის შერიფმა, ჯოზეფ ლომბარდომ განაცხადა, რომ 64 წლის სტივენ პედოქმა პოლიციის მისვლამდე სიცოცხლე თვითმკვლელობით დაასრულა.
„ჩვენ ვთვლით, რომ ეჭვმიტანილმა თავი ჩვენს მოსვლამდე მოიკლა“, - განაცხადა მან.
ჯოზეფ ლომბარდოს ინფორმაციით, სტივენ პედოქის სასტუმროს ნომერში პოლიციამ 10 ერთეული იარაღი აღმოაჩინა.
ადგილობრივი პოლიციის ინფორმაციით, სამორინეს მახლობლად გახსნილი ცეცხლის შედეგად დაღუპულთა რაოდენობამ 50-ს, ხოლო დაშავებულთა - 200-ს გადააჭარბა.
