ლას ვეგასის პოლიციამ თავდამსხმელის ვინაობა დაასახელა. როგორც ირკვევა, ის 64 წლის სტივენ პედოკია. ამჟამად სამართალდამცველები თავდამსხმელის მეგობარ ქალს ეძებენ, რომელთანაც ერთად პედოკი სასტუმროში იყო გაჩერებული.
თავდასხმა მენდელეი ბეის სასტუმრო კომპლექსსა და აეროპორტს შორის მდებარე მოედანზე კონცერტის მსვლელობისას განხორციელდა, სადაც ათასობით ადამიანი იყო შეკრებილი. თავდამხმელმა მაყურებლებს ცეცხლი სასტუმროს 32-ე სართულის აივნიდან გაუხსნა. შედეგად, 50-მდე ადამიანი დაიღუპა, 200-ზე მეტი კი დაშავდა.
