საფრანგეთის ქალაქ მიულუზის ერთ-ერთ საცხოვრებელ სახლში გაჩენილ ხანძარს ხუთი ადამიანი ემსხვერპლა და რვა დაშავდა.
წინასწარი მონაცემებით, ცეცხლი კიბის უჯრედში შუაღამისას გაჩნდა. შემთხვევის ადგილზე 50-მდე მეხანძრე მივიდა, რომლებმაც ხანძრის ლიკვიდირება შეძლეს.
მედიის ცნობით, დაშავებულებიდან ხუთის ჯანმრთელობის მდგომარეობა უმძიმესია. ყველა მათგანი ადგილობრივ საავადმყოფოებში არიან გადაყვანილნი.
