როცა გვაქვს განსხვავებული აზრი, ნორმალურად, ადამიანურად და სათანადოდ უნდა გამოვხატოთ და არა უშვერი სიტყვებით, ხმამაღალი შეძახილებითა და ასე შემდეგ, - ასე გამოეხმაურა თბილისის მერი დავით ნარმანია თბილისის საკრებულოში გუშინ განვითარებულ მოვლენებს.
მისი თქმით, როცა ადამიანებს აქვთ განსხვავებული აზრი, ამ განსხვავებული აზრის გამოხატვასაც აქვს თავისი ფორმა.
„როცა საუბარია მიწისქვეშა პარკინგის პროექტზე, ქალაქს ძალიან სჭირდება ასეთი პარკინგები. აუცილებელია, რომ ხელი შევუწყოთ მსგავს პროექტებს და ეს არ იქნება უკანასკნელი პროექტი, რომელიც დამტკიცდება. როცა ადამიანებს აქვთ განსხვავებული აზრი, ამ განსხვავებული აზრის გამოხატვასაც აქვს თავისი ფორმა, გამოხატვა უნდა იყოს ცივილური, წესიერი და არავის აქვს უფლება, საკრებულოს საქმიანობას ხელი შეუშალოს“, - განაცხადა ნარმანიამ.