თურქეთში „ინჯირლიკის“ ბაზიდან გერმანელი ჯარისკაცებისა და სამხედრო ტექნიკის გაყვანა დასრულდა. ინჯირლიკის ნაცვლად გერმანული კონტინგენტი იორდანიაში „ალ-ასრაკის“ ბაზაზე განთავსდება. სამხედრო ტექნიკისა და კონტიგენტის გაყვანის გადაწყვეტილება გერმანიამ მას შემდეგ მიიღო, რაც თურქეთის საკანონმდებლო ორგანომ გერმანელ დეპუტატებს ბაზაზე ვიზიტი აუკრძალა. ეს გადაწყვეტილება ანკარაში ბერლინის პოზიციით ახსნეს და განმარტეს, რომ გერმანიის მთავრობის წევრები თურქეთის სამხედრო გადატრიალების მცდელობაში ეჭვმიტანილი სამხედროების გადაცემაზე უარს ამბობენ.
