ბრიუსელმა შესაძლოა ნატო-რუსეთის საბჭოზე უარი თქვას. ინფორმაციას რუსული მედია დიპლომატიურ წყაროებზე დაყრდნობით ავრცელებს და წერს, რომ ნატო-რუსეთის საბჭოს გაუქმების მიზეზი შესაძლოა სამხედრო წვრთნა „დასავლეთი 2017“ გახდეს.
გამოცემა „ იზვესტიის“ ცნობით, ნატო-რუსეთის თანმშრომლობის ფორმატის გაუქმების ინიციატივით ბალტიის ქვეყნები გამოვიდნენ. ინფორმაცია ნატოს წარმომადგენლებს ოფიციალურად არ დაუდასტურებიათ.
