უკრაინის გენერალური პროკურატურის განცხადებით, უკრაინელი გამომძიებლები საბრძოლო მასალის აფეთქების ოთხ ძირითად ვერსიაზე მუშაობენ.
„უკრაინის ცენტრალური რეგიონის სამხედრო პროკურორის ხელმძღვანელობით,დანაშაულის გახსნის მიზნით,უკვე დაგეგმილია და მიმდინარეობს გადაუდებელი საგამოძიებო მოქმედებები. საქმე უკრაინის სისხლის სამართლის კოდექსის 113-ე მუხლით აღიძრა, რაც საბოტაჟს გულისხმობს. წინამდებარე საქმის წინასწარი გამოძიება გამომძიებლები სისხლის სამართლის დანაშაულის ჩადენის ოთხ ძირითად ვერსიაზე მუშაობენ“, - ნათქვამია გენერალური პროკურატურის სპეციალურ განცხადებაში.
ცენტრალურ უკრაინაში 30 ათასამდე ადამიანი იქნა ევაკუირებული და ფრენისათვის საჰაერო სივრცე დაიხურა საბრძოლო მასალების საწყობში მომხდარი ძლიერი აფეთქებების შემდეგ. ამის შესახებ 27 სექტემბერს გამოაცხადა უკრაინის საგანგებო მდგომარეობათა უწყებამ. აფეთქებები, რომლებსაც ხანძარი მოჰყვა, 26 სექტემბერს, ღამით მოხდა ვინიცის ოლქის ქალაქ კალინოვკის მახლობლად, საბრძოლო მასალების საწყობში.
