მერიის ყოფილი თანამშრომლის, ოთარ აბესაძის ჯანმრთელობის მდგომარეობა მძიმეა, რის გამოც, დღეს, თბილისის საქალაქო სასამართლოში ჩანიშნული პროცესი, შესაძლოა გადაიდოს. ამის შესახებ „ჯი-ეიჩ-ენ-ს“ აბესაძის ადვოკატმა, ლილი გელაშვილმა განუცხადა.
„პროცესი გადაიდება, რადგან აბესაძის მდგომარეობა სავალალოა. დღეს ექსპერტიზაზე იყო გადაყვანილი, იქაც ცუდად იყო და ახლაც ცუდადაა. პროცესის დაწყებამდე რომ შევხვდით, მისი ფსიქოლოგიური მდგომარეობა კვლავ მძიმე იყო. შესაბამისად, პროცესი გადაიდება“, - აცხადებს გელაშვილი.
შეგახსენებთ, რომ ოთარ აბესაძე მიმდინარე წლის 11 ივლისს, ქრთამის, 3 000 აშშ დოლარის აღების ფაქტზე დააკავეს.
