ერაყის ცენტრალური ხელისულფება ქურთისტანის ავტონომიისგან სასაზღვრო გადასასვლელებზე და საერთაშორისო აეროპორტებზე კონტროლის გადაცემას 72 საათის განმავლობაში ითხოვს. ამ ფორმით დაფიქსირა თავისი რეაქცია ოფიციალურმა ბაღდადმა ერაყის ქურთისტანის დამოუკიდებლობის საკითხზე ჩატარებული რეფერენდუმის შედეგებზე. ერაყის პრემიერ-მინისტრმა ჰაიდერ ალ-აბადიმ ავტომონიურ რეგიონთან დამოუკიდებლობის შესახებ მოლაპარაკების შესაძლებლობაც გამორიცხა და უსაფრთხოების ზომების გამკაცრების განკარგულება გასცა. დამოუკიდებლობის რეფერენდუმი ჩრდილოეთ ერაყში 25 სექტემბერს ჩატარდა. პლებისციტის ოფიციალური შედეგები ჯერ არ გამოქვეყნებულა.
