ეს პროექტი წინა მერის პირობებში ჩვენ მივიღეთ, მაგრამ ამას უფრო სადღეგრძელოს ქუთაისზე დავარქმევდით, ვიდრე განვითარების გეგმას, - ამის შესახებ „ევროპული საქართველოს“ ქუთაისის მერობის კანდიდატმა დავით გოგისვანიძემ გადაცემა "არჩევანში" ქალაქის გენერალური განვითარების გეგმაზე საუბრისას აღნიშნა.
გოგისვანიძემ ახალ კონსტიტუციაზეც ისაუბრა და დასძინა, რომ „ქუთაისმა დღეს პარლამენტი დაკარგა“.
მისივე განცხადებით, მმართველმა გუნდმა მნიშვნელოვნად არ მიიჩნია ის საკითხი, რომ ქუთაისს საპარლამენტო ქალაქის სტატუსი შეენარჩუნებინა, მიუხედავად იმისა, რომ „ქართული ოცნების“ მერობის წინა კანდიდატი სწორედ ამ თემით აპელირებდა.
ცნობისთვის, საქართველოს პარლამენტმა 117 ხმით 2-ის წინააღმდეგ საქართველოს კონსტიტუციაში ცვლილებების პროექტი დაამტკიცა.