მე, ადა მარშანიამ და ემზარ კვიციანმა ხმა წინააღმდეგ მივეცით, არ ვიცი რა მოხდა, ჩვენ მივეცით წინააღმდეგ ხმა, მაგრამ რატომღაც დაფიქსირდა სხვანაირად, - ამის შესახებ „პატრიოტთა ალიანსის“ წევრმა ნატო ჩხეიძემ განაცხადა.
ჩხეიძე განმარტავს, რომ მას კონსტიტუციის პროექტისთვის ხმა არ მიუცია, თუმცა, სავარაუდოდ, ტექნიკური ხარვეზის გამო კენჭისყრის დროს მისი ხმა პროექტის მომხრეებს შორის დაფიქსირდა. მისივე თქმით, მსგავსი ხარვეზები პარლამენტში ხშირად ხდება.
„სხდომაზე 117 დეპუტატი იყო და ამდენივე დეპუტატმა მისცა ხმა კონსტიტუციის პროექტს, მაშინ, როდესაც მე, ადა მარშანიამ და ემზარ კვიციანმა ხმა წინააღმდეგ მივეცით. არ ვიცი რა მოხდა. ჩვენ მივეცით წინააღმდეგ ხმა, მაგრამ რატომღაც დაფიქსირდა სხვანაირად.
ამ კონსტიტუციის პროექტის წინააღმდეგ გამოვდიოდით და მხარს რატომ დავუჭერდით?! ეს იყო ტექნიკური შეცდომა, რაც იშვიათად არა, მაგრამ ხდება ხოლმე“, - განაცხადა ნატო ჩხეიძემ.
ცნობისთვის, საქართველოს პარლამენტმა 117 ხმით 2-ის წინააღმდეგ საქართველოს კონსტიტუციაში ცვლილებების პროექტი დაამტკიცა.