უნგრეთის საგარეო საქმეთა მინისტრმა პიტერ სიიარტომ უკრაინის პრეზიდენტი განათლების რეფორმის გამო გააკრიტიკა და ღიად განაცხადა, რომ ბუდაპეშტი უკრაინის ინიციატივებს ევროსტრუქტურებში შეეწინააღმდეგება.
საუბარია განათლების სისტემაში გატარებულ რეფორმაზე, რომლის მიხედვითაც, უკრაინის ტერიტორიაზე მოქმედ სკოლებში სხვა ენაზე სწავლება იკრძალება.
„ნებისმიერი ქვეყნის კონსტიტუციური ვალდებულებაა ეთნიკური უმცირესობების დაცვა. აღნიშნული კანონი კი საერთაშორისო სამართლის ნორმებს ეწინააღმდეგება.ამიტომ, უნგრეთი ევროსტრუქტურებში უკრაინის ნებისმიერ ინიციატივას შეეწინააღმდეგება. ჩვენ გარანტიას ვაძლევთ უკრაინის მთავრობას, რომ ამ გადაწყვეტილებით მათ სერიოზულ ზიანს მივაყენებთ,“ - განაცხადა სიიარტომ.
