რუსეთში მძღოლებს, ღამის საათებში, მანათობელი ტანისამოსის ჩაცმას აიძულებენ. ,,რია ნოვოსტის“ ინფორმაციით, ამის შესახებ რუსეთის შსს-მ მთვარობის დადგენილებაში ცვლილებების პროექტი შეიმუშავა.
დოკუმენტში აღნიშნულია, რომ ღამით, ან ცუდი ხედვის პირობებში, სამართალდამცავების მიერ ავტომობილის გაჩერების შემთხვევაში, მძღოლმა ავტომობილიდან გადმოსვლამდე უნდა ჩაიცვას სპეციალური ქურთუკი, რომელსაც ექნება მანათობელი ზოლები.
აღნიშნული საკანონმდებლო ცვლილების ავტორები აცხადებენ, რომ ბოლო დროს ავტომობილიდან გადმოსულ მძღოლებზე დაჯახების სტატისტიკა საგანგაშოა. უკანასკნელი 6 თვის განმავლობაში ასეთი 66 შემთხვევა დაფიქსირდა, რაც გასული წლის მონაცემებზე 5 %-ით მეტია.
გამოცემის ცნობით, ამ ეტაპზე საკანონმდებლო ცვლილების სახალხო განხილვა მიმდინარეობს.
