აუდიტის სახელმწიფო სამსახურში „ევროპული საქართველოს“ წევრის, მარიამ რამინაშვილის გამოკითხვა დაიწყო. მან პარტიას ხუთი ათასი ლარი შესწირა.
,,თითოეულმა ჩვენგანმა ძალიან კარგად ვიცით ჩვენი, როგორც მოქალაქეთა ფუნქციები, ვალდებულებები, შესაბამისობები. გადაწყვეტილებები, რომელთაც ვიღებთ, არის ნებაყოფლობითი, განპირობებული თითოეული ჩვენგანის ცხოვრებიდან, რომ მშვიდობიანად, ყველანაირი კანონიერი გზით, დროულად და სწრაფად შევცვალოთ „ქართული ოცნების“ მმართველობა“, - განაცხადა მარიამ რამინაშვილმა.
აუდიტის სამსახურში დღესვე პარტიის კიდევ ორ წევრსა და „ქართული ოცნების“ ერთ შემომწირველს ელოდებიან. აუდიტის სახელმწიფო სამსახურს ჯამში ორი პარტიის 14 შემომწირველი ჰყავს დაბარებული. 8 მმართველი პარტიისა და 6 ოპოზიციური პარტიის შემომწირველი.
