ესპანეთის პოლიციამ კატალონიაში ჩატარებული რეიდების ფარგლებში რეფერენდუმისთვის დამზადებული მილიონნახევრამდე სააგტაციო პლაკატი და ბროშურა ამოიღო, თუმცა მადრიდის აკრძალვის მიუხედავად, კატალონიელები პირველ ოქტომბერს დანიშნულ პლებისციტში მონაწიელობას მაინც აპირებენ. ესპანეთისგან გამოყოფის შესახებ დაგეგმილი რეფერენდუმის მხარდასაჭერად მათ ბარსელონაში მასშტაბური აქცია მოაწყვეს. დამოუკიდებლობის მომხრეების პარალელურად, მიტინგი ესპანეთისგან გამოყოფის მოწინააღმდეგეებმაც გამართეს. რეფერენდუმის ჩატარებას ისინიც ემხრობიან და იმედოვნებენ, რომ პლებისციტი საბოლოოდ დაუსვამს წერტილს ცენტრალურ ხელისულფებასთან დაპირისპირებას.
