„პატრიოტთა ალიანსი“ თბილისში საპროტესტო აქციას მართავს. მსვლელობა ვარდების მოედნიდან პარლამენტის მიმართულებით მიმდინარეობს, რის გამოც რუსთაველის გამზირზე ავტომანქანების მოძრაობა შეფერხებულია.
აქციის ორგანიზატორების მოთხოვნები საქართველოს კონსტიტუციურ ცვლილებებს შეეხება.
,,სასოფლო-სამეურნეო დანიშნულების მიწის არც მფლობელი და არც დამქირავებელი არ შეიძლება იყოს უცხოელი; მაჟორიტარული საარჩევნო სისტემა უნდა გაუქმდეს; შეიქმნას სახელმწიფო კომისია, რომელიც დაიწყებს მუშაობას ახალი პოლიტიკური ფორმატის "საქართველო-ნატო-რუსეთის" ამოქმედებაზე და ამავე კონტექსტში დაიწყოს პირდაპირი დიალოგი სოხუმთან, ცხინვალთან და მოსკოვთან”, - აცხადებენ აქციის ორგანიზატორები.
მათი მოთხოვნები შეეხება ასევე საბანკო გადასახადების მარეგულირებელი კომისიის შექმნას, რომელიც საბანკო კრედიტის პროცენტის მოცულობას შეზღუდავს. მათივე მოთხოვნიოთ, უნდა შეიქმნას სახელმწიფო კომისია, დაიწყოს ხელახალი აღწერა და სოციალური შემწეობა აღუდგეს ყველა იმ მოქალაქეს, რომელსაც ის უსამართლოდ გაუუქმეს, შეიცვალოს ე.წ. კრიტერიუმების, ქულების სისტემა.
აღნიშნული მოთხოვნებით, „პატრიოტთა ალიანსის“ 17 მხარდაჭერი შიმშილობას დაიწყებს.
