პარლამენტის ევროპასთან ინტეგრაციის კომიტეტის თავმჯდომარის მოადგილე, ბექა ნაცვლიშვილი გაერთიანებული ერებისვაჭრობისა და განვითარების ორგანიზაციის (UNCTAD), კონკურენციის პოლიტიკისა და მომხმარებელთა დაცვის ფილიალის ხელმძღვანელს, ტერეზა მორეირას შეხვდა. შეხვედრის მთავარი თემა ქვეყანაში კონკურენციის პოლიტიკის წარმართვა დამომხმარებელთა უფლებების დაცვა იყო.
მხარეებმა ისაუბრეს ევროკავშირის პროექტის ფარგლებში საქართველოს კონკურენციის სააგენტოს მხარდამჭერი საქმიანობისმიმდინარეობის შესახებ, კონკურენციის მნიშვნელობაზე ჩვენი ქვეყნის ეკონომიკური განვითარების პროცესში და იმ როლზე,რაც შესაბამის სააგენტოს უნდა ენიჭებოდეს.
შეხვედრისას, ყურადღება გამახვილდა ევროპასთან ინტეგრაციის კომიტეტის მიერ შემუშავებულ „მომხმარებლების უფლებების დაცვის შესახებ" კანონპროექტზე. მხარეები შეთანხმდნენ, რომ აღნიშნულ საკითხთან დაკავშირებით ფონდი ევროპასთან ინტეგრაციის კომიტეტს საკუთარ მოსაზრებებსა და რეკომენდაციებს წარუდგენს. ბექა ნაცვლიშვილმა, კომიტეტის სახელით თანამშრომლობისთვის მზაობა გამოთქვა.
