17 ქვეყნის ანტიდოპინგურმა სააგენტომ საერთაშორისო ოლიმპიურ კომიტეტში გაგზავნა წერილი, რომელშიც 2018 წელს, სამხრეთ კორეაში დაგეგმილ თამაშებზე, რუსეთისთვის მონაწილეობის უფლების აკრძალვას ითხოვენ.
ამ ქვეყნებს შორისაა დიდი ბრიტანეთი, კანადა, აშშ, ავსტრია, ავსტრალია, დანია, ფინეთი, საფრანგეთი, გერმანია, ირლანდია, იაპონია, ჰოლანდია, ახალი ზელანდია, ნორვეგია, სინგაპური და შვედეთი.
კომიტეტის წევრები ამტკიცებენ, რომ რუსეთი ჯერ კიდევ არ დასჯილა "სპორტის ისტორიის ერთ-ერთი ყველაზე დიდი სკანდალისთვის". სააგენტოები ითხოვენ, რომ საკითხი მალევე გადაწყდეს, რათა სპორტსმენებისთვის 2018 წლის ოლიმპიადა სამართლიანი დარჩეს.
